日式燒汁肉拉麵(附食譜)

 一年多疫情造就好多人都變左大廚, 多左時間留係家中食飯..反而更多不同想法.

生活都係如常都要番工, 放工就回家煮個簡便餐又過了一日.

只要大家帶好口罩多清潔, 希望慢慢疫情可以過去!!

今日突然超想食個日式拉麵, 但見到D人整個又燒都要花好多時間..放工回去一定做唔到啦.

退而求其次, 用五花腩整個燒汁去慢火煮焗出來真係好好味..再加隻唐心蛋, 粟米, 麵豉湯底

扮日式拉麵就成功左!!大滿足!!!

燒汁肉做法:

五花腩一件去皮出水約10分鐘抹乾, 加入2湯匙醬油, 1湯匙味醂, 1湯匙酒, 1茶匙糖, 3湯匙水加入用中小火煮20分鐘最後加1湯匙蜜糖用中火煮收乾水即可.

唐心蛋:

水加入蛋用中大火煮7分鐘即可.

麵豉湯底:

魚乾數條, 柴魚半杯加入400ML水煮10-20分鐘, 隔渣再加入2湯匙味噌即可.

再加入自己喜歡材料,一碗簡單自家日式拉麵就完成.

雖然同街更係無得比, 但係家中食個偽日式拉麵已經係我地最大享受.