電飯煲海南雞飯

自從我的母親大人教識左我用電飯煲蒸燒賣, 無用微波爐咁乾身而且又唔洗開明火睇火之後..我愛上用電飯煲整野食...一直覺得電飯煲作用就係煲飯..宜家功能多左變化都多左..

今次試左用來整海南雞飯..一煲過簡單又方便..多左時間用來打機清潔屋企都係唔錯.

今次用左雞脾出奇地滑身再自家整個薑蓉醬, 雖然無咩甜豉油, 辣醬咁..唔似街食咁多醬汁..不過叫做滿意架啦..無計宜家都唔想係街食飯...過左疫情先享樂, 大家保命最重要, 小出街小去人多地方勤洗手緊記帶口罩...只要每人都願意做小小野相信都可以控制到疫情, 希望唔會社區爆發.為己為人大家都應該做好這件事!!

材料:
雞脾 2隻
香茅 2-3枝
薑片 4片
蔥 1束
香葉/斑蘭葉 1片
黃薑粉 1茶匙

調味:
鹽 1湯匙
米酒 1湯匙


1)將雞脾用調味醃1小時(我當日無咩時間只係醃左30分鐘, 味道都係不太夠所以加左少少生抽一起醃)
2)我想香茅味更入, 所以拍左2條放入雞脾內一起去煲飯
3)再用雞皮炒香加入蒜蓉/紅蔥頭, 又因為家中無紅蔥頭就加左洋蔥粒一起爆香..味道都不錯
4)放入米及同等份量水/雞湯加入黃薑粉, 咁其他材料按下煲飯即可!!