酸辣米線(附食譜)

幾個月都無咩出去街食過飯....以前一星期都會心思思想食下酸辣米線..

宜家無出街食飯...所以心思思又想食下...唯有就自己係家中煮來食下啦...

發現原來都唔係想像中咁難煮...而且係家煮既..就可以多芽菜, 多配料..連咸菜都係自己無聊整..

今餐真係食得好滿足.

材料:
肉碎, 芽菜, 雲耳, 鮮腐竹, 冬菇, 咸菜 適量

調味:
豆辨醬 2湯匙, 白醋 2-3湯匙, 雞湯/水500ML, 老抽 1茶匙, 生抽 3湯匙, 花椒油 2茶匙


1)將肉碎用生抽, 糖及生粉醃, 再爆香加入咸菜炒香加入豆辨醬炒勻
2)再加入其他配料及調味煮滾試味, 按自己口味加入自己喜歡酸辣味道
3)再將湯加上已灼好的米線上加入芫茜