早前好鬼想食炸两,係鄉下唯一出路就係自己整啦。
俾我係超市見到有油炸鬼買更係唔理有成10條一包都照買番去,所以個冰箱存貨太多,所以決定用D油炸鬼整個菜式。
我唔喜歡食魚腸(這邊都無等買啦)。。。所以我浸左D什菇做底。。。直接入焗爐焗。。做到面好脆入面D蛋好滑。。真係好值得試下。
材料:
油炸鬼 1條
什菇 適量
蛋 2隻
水同蛋 1.2-1.5比1
粉絲 適量
1)什菇加入蒜同薑粒炒香加入1湯匙豉油
2)將什菇同粉絲放入焗盤
3)將蛋同水攪勻倒入盤,再將油炸鬼放上面
4)用250度焗15分鐘即可。
留言