沙巴之旅- 本地旅行社後感

其實今次去沙巴旅行準備既事宜都不算多, 可能無咩景點我地又無準備攻神山, 所以好多野都好HEA平時出發前都會再睇下資料有無野要整, 但今次完全係無咩準備野要做, 連旅遊書都無帶去.

至於選擇當地旅行團時,我都搵左4間左右去夾價, 不過基本上都公價我地最後都係完美假期及沙巴遊2間選1間.

我地見沙巴遊回覆快而且又唔需要俾定訂金之下,我地參加沙巴遊3項活動.

第一係美人島體驗潛水, 神山遊及3-4級巴達河激流. 其實來沙巴最期待就係去美人島試下帶樽潛水, 好可惜由我地去沙巴連續4天都話無得出美人島原因係有颱風到菲律賓影響到出島, 原本安排第2日就要去美人島改左去行神山, 再改第3日又話無改去激流, 到第4日又話無, 等左咁多日都令人心灰意冷, 所以我地今次既行程係無去過美人島.

想再講下今次參加既沙巴遊印象都麻麻, 每次聯絡既陳生都會提早15分鐘要我地到LOBBY等, 最慘係你提早15分鐘但部車又再遲5-10分鐘, 攪到我地每朝起碼都要等25分鐘先可以上車.

第一天參加既神山遊仲離譜, 我地係第2對上車既遊客, 但車去接第3, 4對遊客時, 這2對遊客每對都要遲20分鐘, 令到我地坐係車足足呆等40分鐘左右先可以出發.

其實參加沙巴遊就係因為好多BLOG友都話這位陳生帶得好又好人又熱心, 但我地基本上這2個活動都唔係佢帶, 所以都無機會見過佢.加上我地經WHATAPPS問佢其他問題, 佢都唔樂意回答就連簡單問下係碼頭出其他附近既島既時間班次佢都話唔清楚, 令到我地對沙巴遊都失去信心, 加上每日都要我地早起就係等佢話去唔去到美人島, 令到我地都好反感.

最令我最唔高興就係參加激流, 我地玩完到等回程時先知道我地2名係棄嬰咁, 原來佢地係夾埋完美假期出發去激流, 而我地係事先唔知道, 無人帶無人理.沙巴遊唔夠人數去激流JOIN埋其他旅行社都唔緊要, 但最低限度係事前同個客講聲, 所以下次再來沙巴我都唔會再選擇沙巴遊.