越式牛肉湯粉(附食譜)

 我都真係好耐無出去餐廳坐底食下飯, 晚飯就更加唔洗想啦...外賣呀?一個月都有1,2次既..

咁係家中食野都唔想咁悶架..宜家多左時間就會煮下D以前覺得好煩既食物..

今次這個越式牛肉湯粉就係其中之一放係我個MUST TRY LIST內..其實都唔係煩..係只不過個湯

底要花時間去煲,以前懶啦..宜家成日都留係家中,咩煩野都變得唔煩仲要係消磨時間仲好啦..

材料:

牛骨 1包

洋蔥 1個

紅蘿蔔 1個

蒜 1粒

1)將牛骨出水, 全部材料放入焗爐焗20-30分鐘

2)放回煲中加入八角, 香葉, 黑椒粒同水煲1-2小時, 加入魚露, 鹽調味

3)煮熟金邊粉放碗加上牛肉片再沖上滾湯, 食時配上金不換同青檸汁

食完真係大滿足, 當然對比街市越式牛肉湯粉都未夠班, 但係疫情下自家煮到這個牛肉粉我已經好滿意.

希望2021年疫情快D走, 世界和平.