宜家真係比之前生活忙左好多, 但咁既生活我覺得我比較喜歡..可能犯賤忙D就唔會胡思亂想...專心做飯..醫飽自己就最開心.
係超市見到一大包三文魚骨, 最正係一包可以分2次食...留左一半多肉用來下次整椒鹽三文魚骨
平日就唔攪咁多...整個湯暖下胃仲好..唔想下下睇火..我就最喜歡用飯煲煮湯...
材料:
三文魚骨 適量
豆腐 半磚
白菜仔 少量
韓國麵豉 1湯匙
鹽, 胡椒適量
薑 3片
1)預熱飯煲加少少油加薑片, 三文魚骨煎香加入400ML 水及麵豉
2)大約煮20分鐘加入菜同豆腐再加蓋煮至菜軟加入調味即可.
留言