吉列拚盤

平時出街我必叫吉列蠔, 一直都唔喜歡係家中炸野, 但宜家我買左一個小小的炸盤咁樣用上比較小油, 加上炸完D油隔左D什物, 其實可以重用都無問題.

上星期心思思好想食炸野, 趁假日係家有得閒就決定做個吉列蠔..咁反正又炸開野..咁炸埋帶子同杏鮑菇.

小小心得想同大家分享, 炸吉列野一般都唔好全程開大火, 咁樣好易出面燶入面都未熟, 至於我炸海鮮我都會之前灼左十秒先, 令佢係半熟再炸咁樣就唔會炸得太火...另外到尾再開大火迫番D油出來..咁樣食時就會覺得滿口油.

材料:

蠔 8隻

帶子 4隻

杏鮑菇 1隻

蛋 1-2隻

粟粉 2湯匙

麵包糠 3-4湯匙

1)將蠔及帶子灼10秒印乾水

2)杏鮑菇切片

3)順次序沾上粉, 蛋, 麵包糠 (有時間就放入雪櫃雪15-20分鐘定一定形)

4)中火炸到轉色再轉大火炸30秒左右即可, 食時可以沾少少鹽/李派林醬汁.