Apinara @ 金鐘

一到2月我都會好俾心機咁搵食. 手頭上已經有好幾間食店要去試下, 加上一個遊戲既update出左好多精靈更加令我同友人都好努力咁去新地方, 真係好白痴但又開心.

平時食泰菜都係去九龍城, 講真會有D悶架. 早幾日見到一個食家blogger介紹這店, 我同友人就決定去金鐘搵食兼捉野.

因為臨時決定, 所以我地都無訂位只係一心要早去睇下有無得walk in 食飯. 我地6點就去到, 店舖都幾大另外一面就係商場中間既開揚位, 可惜我地無訂位, 只係能夠安排到對牆既高椅位.

來之前我都有少少心水架啦, 不過睇到餐牌又真係樣樣都好想試下, 特別有多款不同飲品, 可惜當晚我要留位置俾個甜品. 

我地點左生蝦; 咖哩軟殼蟹同冬陰公魚片米線

這碟生蝦$138有12隻係這區咁既價錢真係抵呀, 肉質爽口沾上辣汁非常醒胃, 但我自己略縑少左一份鮮甜. 

再來就係個咖哩軟殼蟹, 初時會估份量都應該唔多既, 但估唔到來到估計軟殼蟹都有2-3隻. 原本應該點份酥餅去沾咖哩汁食, 都係果句我要留位置食甜品.
個汁好杰身而不辣個汁用來配飯/酥餅理應絕配.
炸軟殼蟹炸得酥脆但偏油, 再沾上杰身既咖哩汁一起食, 食多2件都有點漏.

最後來既冬陰公魚片米線係當晚我最喜歡. 冬陰公做既湯底夠酸好醒胃, 特別食左2件炸軟殼蟹後, 再飲個湯真係可以去油膩感. 如果個辣可以加少多幾份辣度就更加美味
另外魚片好厚身,夠鮮甜嫩滑, 估唔到一碗米線有成3-4片.

雖然我地2個都已經好飽, 但為左甜品而來既我都係決定要試埋先收口.鎖定目標奶茶pancake. 

3件厚身既pancake都算鬆軟, 沾上旁邊的濃郁高甜度既奶茶, 反而食落就岩岩好, 但我自己最喜歡就係配奶茶雪糕食pancake, 反而個雪糕更加香既同濃既奶茶味道, 個甜品都算唔錯同有特色.

整體上這裡食物份量大而且價錢都唔貴, 而且食材新鮮味道亦唔錯, 但以泰國菜來講少左一份香辣既味道, 如果唔喜歡辣既朋友,這裡真係一個唔錯選擇. 另外一讚就係這裡服務. 雖然服務員唔係成日笑, 但佢地每位都令人覺得有親切感同時亦不時為我地不停添水, 令到我整餐晚飯都十分滿意. 我自己去新食店, 除左食物外更加留意服務.

地址: 金鐘金鐘道88號太古廣場2樓205號舖