DAYDAYCOOK"入廚賞味"

幸運地俾DAY DAY COOK邀請去佢地同渣打合作攪既教煮野食活動, 而且仲可以帶一位朋友去...岩晒我啦...一收到EMAIL都即刻報名.

上星期六一放工就即去尖沙咀準備同友人一起去上堂超開心.

今次既地點非常方便就係K11商場內.

當晚DAY DAY COOK主持人NORMA就教大家煮3個菜式, 粟米魚肚羹, 蓮藕餅及豆醬炆雞.

第一次見到NORMA, 只能用一字形容"靚", 真係又靚又高仲要煮得好一手好菜式真係令人羨慕死...加上佢好NICE教我地煮野食時都簡唔中來CHECK下我地攪唔攪得掂, 當晚真係滿載而歸!
又可以跟NORMA學煮野又可以帶埋D野食回家同家人分享, 在此再次多謝DAY DAY COOK邀請!

老師就係咁靚既廚房攪我地煮左3款菜式, 跟住我地就埋位各自各忙...當然煮出來都唔及老師既一半...

好正架, 樣樣野都準備好材料我地真係負責煮就得連洗野都唔洗真係煮得開心.

以上3款就係我地既製成品, 雖然未及老師一半但味道都唔錯, 食唔晒打包回家再食過.下次我都要跟老師煮這3款又簡單又美味既菜.