昂坪+鳳凰山二日一夜遊

二月時試過同友人去左大美督玩露營覺得好正好好玩,覺得YHA的設施都好好,  所以一早再約去昂坪露營加行山.

我地計劃係星期六一早入去行下, 到晚上就住昂坪. 點知當日星期六我要番工仲要番到下午5點先收工,即刻趕車入去東涌, 好彩地都俾我地坐到最後一班由東涌入昂坪的巴士.
入到來市集都差不多7點啦..我地睇指示入到營地.

我地都係最後入營既人, 當晚見到一團十幾人既朋友來, 又有幾家帶住小朋友來住..真係好熱鬧. 相比大美督這裡的廚房同沖涼地方都細一半一多, 所以煮野食時都出現要等既情況. 幸好我地來得遲, 最大團既人一早已經煮好食緊, 所以未至於等太耐.
見到煮飯都要等, 我地都係快手食完就即走去沖涼, 費時要等太耐先沖到涼.不過這裡的熱水供應就好過大美督.

食完飯沖完涼, 係出面坐下傾下計. 原本打算出去外面行下, 點知太黑又無帶電筒, 不如早D休息明天早向鳳凰山出發好過.

我地原本打算8時出發行山, 點知訓唔到就不如早起行過早山...提早個半鐘6點半出發.
我地都算幸運架啦, 原本天文台預計會下雨, 點知我地這2日都無落雨, 令到我地行時都比較舒服得多.
我地由昂坪上到山頂都係正常慢速用來1個小時30分就上到頂, 不過上頂果100米左右天氣都會變得超大風仲有D雨水都幾濕下, 所以我地都係頂上留左唔夠10分鐘都要即刻落山啦.

 

落番山時都只係9點半左右, 距離交房仲有成2個多小時, 我地都好養生呀..番去謍地沖個涼後就回籠訓番1小時差番下電先可以走人..

來得昂坪無咩理由唔入大佛食下野呀..2條餓肚一起身已經超肚餓,..原本打算入去食齋, 點知搵錯入口, 所以隨便去左小食部點左D素食就算..不過咁樣食都好豐富又抵食.

食飽行左一陣市集, 我地就排隊坐番23號巴士出番東涌..2日1夜既本地旅遊就完結.