韓國首爾之旅~ Day 1 明洞

17/09/2017

今日展開7日既韓國旅程. 早上7點幾既機,我地一早就到達機場慢慢咁嘆個早餐再去準備登機, 點知去到就見到有職員話final call, 嚇到我地2條友係沖去閘口, 但明明我地都係準時去閘口, 真係唔明點解會係叫final call.

3個多小時既機程好快就過, 平安到達仁川機場. 第一站就係去機場既Olive Young 睇下有無免費T-money卡取. 其實係其他group都有講已經無左T-money卡派送, 不過我都係本著試下無妨既心態, 點知連間店都無埋. 幸好來前都問左友人借2張卡, 我地就直接去坐地鐵出首爾.

今次我地選左係鐘路3街既酒店, 貪咩呢? 當初只係貪房有煮食爐, 不過係首爾又真係唔要都得.這間住宿都算近地鐵站同仁寺洞, 所以位置都叫唔錯.

我地2點鬆D到達check in後放低行李, 休息一陣就向明洞出發去搵食.

落到街首先係亂行一通就去到仁寺洞一心就係坐地鐵去明洞啦...點知去問information center, 佢地就教行路比坐地鐵更方便...最終我地係用鐵腳行去明洞.(其實佢地都講得岩, 我地如果坐地鐵又要轉線, 最慘韓國地鐵真係幾唔方便, 行落地鐵已經一段路程, 加上要轉線又要行一段路. 如果真係唔係太多個地鐵站, 真係建議行好過)

去明洞第一站就係食網上介紹的Beans Bins鬆餅啦...韓巢入面仲有20%優惠券呀!!!!

過左士多啤梨季節, 無咩心水之下叫左芒果. 唔知係唔係期望太高, 覺得鬆餅都係好一般, 唔算特別鬆軟, 加上芒果真係帶點酸, 認真麻麻.

食完休息一陣, 我地就去明洞唱錢. 不過落到街頭見好多街頭小食, 最終忍不住試左個芝士龍蝦呀...一D都唔平要成15000 won, 味道都只屬一般!!!

好啦..真係食飽夠皮, 我地就去明洞大使館唱錢. 基本上附近D店舖都係差不多匯率, 後來我再大使館向LINE店舖前行, 俾我發現個匯率多0.002即係144.8, 好鬼開心咁入去換錢. AHHAHHA...以後多好多咩...都只係多1200won姐....不過換多左都係開心既.

唱完錢有won用, 一心一意就係去瘋狂購物啦(我太高估自己)....行左幾間買衫既店舖都無咩岩心水啦..老啦..無野岩...只係喜歡食食食...所以原本想去咩高速地下街, 東大門既地方睇衫..最後我都係慳番.....咁唔買衫咪轉左睇下化妝品, 面膜呀...來前都睇好晒其他人介紹架啦...點知都係唔係點買到野...

幸好最後幫到家人買下手信...都行左3小時啦...我地就去今晚我最期待既醬油蟹晚餐.

初時係決定如果今晚食過回味既, 就明天/後天再試埋第2間...

今次選左係仁寺洞 ~ 海邊的花蟹...這間網上話係任食醬油蟹, 但我地當晚去到又唔覺得醬油蟹係可以任食, 只係出面有一個地方係自己任夾小食, 配菜咁...

只不過醬油蟹係唔係任食都不再重要, 佢地原來送上來既醬油蟹, 我地都食唔晒..

這店有中文餐牌, 如果唔喜歡食任食套餐, 佢地都有提供套餐, 只不過當見到任食同唔係任食既套餐都係差3000won左右, 相信都會選任食啦..我地叫左個有醬油蟹, 蝦套餐. 每人19900 won.

單單來既套餐都非常豐富, 有泡菜餅, 海鮮湯鍋, 醬油蝦, 醬油蟹, 辣蟹...

講真每樣野都好美味, 只不過份量真係太多, 我地2個人好努力咁都食唔晒D食物, 都唔好講咩任食唔任食.

                                     

                                     

                           

食飽飽啦..更係慢慢散步回酒店啦....明天就準備去行山消消脂!!!