2015~日本福岡鐵路之旅(Day 5)

10月 07, 2015

2015~日本福岡鐵路之旅(Day 5)

18.09.2015

今日係最後鐵路之旅...重點係坐Asoboy火車...係呀!!係無聊只係為左坐這架火車..不過無計出發當日先過阿蘇火山爆發...咁都計劃左啦就算啦..反正我都無咩其他地方想去...就坐入去再坐番去熊本當遊火車河.

原本我個Plan係
博多HAKATA(7:21) - 熊本KUMAMOTO(8:04) SAKURA 403
熊本KUMAMOTO(8:35)-阿蘇 (9:50) KYUSHU-ODAN-TOKKYU 2
阿蘇 (15:40) -熊本KUMAMOTO(17:13) ASOBOY104
熊本KUMAMOTO(20:16/21:20)-博多HAKATA TSUBAME

後來我前一晚就改左
博多HAKATA(8:21) - 熊本KUMAMOTO(9:04) SAKURA
熊本KUMAMOTO(9:26)-阿蘇 (10:45) ASOBOY
阿蘇 (11:40) -熊本KUMAMOTO(13:13) KYUSHU-ODAN-TOKKYU

估唔到一早都係我第一次追火車追到我死...唔好以為我遲到呀!!係俾日本火車站亞叔老點我...
我地見去到熊本仲有20分鐘先坐車..咁就已經預先問左車站有個職員亞叔我地下班車邊個月台...問左就hea左一陣就上去月台...開始就見到好多係日本人...咁都唔理照行去我地預定車廂等啦..我地2條友仲吹水話點解明明頭先見到咁多香港人, 宜家一個都無既...再來我望下個月台火車名...仆街...都唔係寫ASOBOY既...即9秒9走番去問另一位小姐..就話係0B月台..最攞命果個月台距離勁遠...2條傻皮跑到甩肺最後真係30秒先成功上到ASOBOY!!!
@.@果一刻我滿腦子都係粗口...幸好我地成功上到車啦!!

HAHAH..人算不如天算, 明明自己都預到時間好充足, 點知預上個無責任心既日本亞叔職員都無睇我班火車只係睇時間就老點我去個月台就算..唉..不過我都得到教訓..下次問完人都要自己再確認下!!

算啦成功上車啦..好開心呀!!影呀影呀..最後我地行到車尾見到有張長椅望住出面個景..我地都無再回去自己座位, 成程車都係坐係度...再等埋個牌又影下相..

坐左個幾鐘就到阿蘇站啦...明明天氣都好似OK架突然又天黑黑...我地原本係等下2班車先番熊本既..見到咁既天氣同埋附近真係無咩野行..所以我同友人都係決定換下一班車接住早D去熊本行下好過...回程又再次坐上ASOBOY...上車前係車站附近既店買左支以為係牛奶既飲品同一盒便當就上車...今次好失敗呀...唔記得影低D便當呀!!...不過果枝牛奶原來係乳酸飲品味道又好正WOR..HAHAH..至於個牛便當就算凍既都好好味加上中間既蛋流出D蛋汁真係好味過人..

食飽我地都無咩睡意, 今次小姐又再攞牌來影相..我更係唔執輸再影多次...去到熊本我地就坐車直接去上下通行街...第一站目的地係熊本熊既辦公室..HAHAH....(其實我唔喜歡熊本熊, 但一場來到都係忍不住又買左佢D公仔呀...影下相呀)

去到熊本熊辦公室理應係我最開心架啦...點知友人仲興奮過我...原因好簡單有部電單車係入面..佢咩都唔睇只係勁影部電單車...

行完後我地又行埋上下通及附近既百貨公司就決定早D食完晚飯就去埋藥房..咁樣可以早D回酒店啦...點知我地亂入左一間食店...入面係一個女人都無....初時都唔想入架啦...不過算啦應該無問題...點知我地食既野完全令我地都唔飽...而且上菜超級慢呀..明明我地預1小時食完既晚餐...我地用左2.5小時...攞晒命..不過老闆娘婆婆送左2隻熊本熊電話繩俾我地..HAHAH
圖中就係我地2個人叫既2個SET 晚餐...不過最後我地估係俾D人飲酒食下輕食多...連一碗白飯都無既...點算係晚餐SET啦..不過算啦....我地都係去埋藥房買左2大袋野就坐車走啦...