Morton's of Chicago@尖沙咀

友人生日又係搵下有咩好食既時候, 一直都想來此店試下佢地既牛扒加上知佢地出左個限時MENU食品,就更加無藉口唔來啦...
我一早係網上訂位亦寫埋生日朋友既名..HAHAH..咁樣來到就會見到我朋友個名係個MENU度....原來個MENU仲可以俾我地帶走..
我地安排坐係近廚房既死角位,講真位置真係唔好好多待應進出.
不過我自己BOOK位時又無要求要WINDOW SEAT就算啦..

幸好環境都唔錯, 望出去都見到個少少海景加上少少音樂又真係幾舒服

我地點左3款係限時MENU既食品, 帶骨牛柳, 芝士焗椰菜蓉, 蜜糖威士紀五花腩肉, 另外再加多個TUNA TOWER作前菜..

先來更係唔少得就係佢地既洋蔥包, 微暖同鬆軟不過唔算話想一口接一口食.

先來既TUNA TOWER, 講真味道真係非常失望. 吞拿魚無咩鮮味, 而且最下層既脆卜卜好似炸雲吞皮碎太過重味, 覺得好似食脆卜卜味道多於其他配料..這一個可以下次不點.

再來就係我地點既限時MENU同一時間一起來, 大家忍不住要試係個豬腩肉, $180有成2大件已經一陣陣煙木燻香未食已經流晒口水, 不過唔算有蜜糖酒味, 但更好味都係食2小件已經好漏.

另一個令我非常回味就係個椰菜蓉估唔到加入大量芝士一齊焗之下味道好配合好香真係令人一口接一口...

最令我期待既有骨牛柳做得都非常出色, 果然係做牛扒餐廳, 牛柳整得剛好肉味都唔錯, 下次有機會再來一定要試埋其他牛扒.

最後亦送上梳乎里俾友人同埋為我地影左相送番俾我地..令我地都滿載而歸