2014瑞典芬蘭幸運之旅~ Day 11 (Helsinki - HK)

02/02/2014

不知不覺已經到了這次旅行既尾聲, 今日我地係坐晚上11時多既航班,所以我地整整有一日既時間留係Helsinki觀光, 加上想行既景點只剩2個, 所以我地決定hea到最後一分鐘先check out.
雖然話hea但我地都係9點幾就起身而10時就上到酒店樓上食個豐富早餐...真係嚇死人估唔到個餐廳咁鬼熱鬧又多人, 成個餐廳都full house. 每張枱都必定係搭枱架...連取野飲都要大排長龍認真厲害.

食飽之後回房間休息下執下野再沖多次涼12點就check out準備去今日第一個景點: 岩石教堂 Temppeliaukion Kirkko
真係超好今日天氣勁好又無落雪. 出左酒店我地就決定去電車站嘗試睇下明明D站既指示(有張交通卡更係想盡用去架啦加上咁鬼凍既天氣更加上坐交通工具去啦)
最終都係失敗問左幾個人, 最終都係教我地行路過去....行左20-30分鐘先到呀!!!

成個教堂設計都好有特別, 內部用左木製建設好柔和加入入內播放緊D好舒服既音樂令整個人都好似變得小鳥一樣咁溫柔!!

再接下來我地去埋最後一個景點: 西貝流士紀念碑 Sibelius Monument就完成我地今日最後一天既行程.
明明寫住 由岩石教堂去可以再坐3T/3B多2個站Toolontori站再行10分鐘西貝流士紀念碑 Sibelius Monument, 但我地行左成1小時都找唔到3T/3B既電車, 問人都唔識我地仲轉左轉去不知不覺仲要回到酒店附近....真係迷路啦!!!
幸運地我地見到一班電車職員係度等車, 我地最終都問到個車站係邊...原來都唔係咩3T/3B, 我地係坐2號電車就去到即係Toolontori站落車. 當時天色開始變黑, 我地快部行去影埋相就走人.
千山萬水長途跋涉終於都俾我地來到最後一個景點啦...
真係唔理咁多勁影多D相補補數...不過講真遠睇都唔及近睇來得精緻...這一個景點真係令我十分難忘. 雖然今日預計2小時可以完成2個景點, 但最後我地要用上雙倍時間先可以完成不過總算係完美結束了這一個11天既瑞典芬蘭之旅.

回程我地又係行十多分鐘回原有車站坐車去到Shopping區就血拚一番. 當日係星期日好多店舖都會在6時多關店, 所以我地都行左D主要店舖先去Fazer Cafe食件cake.

初時係想去一條大街既Fazer Cafe度食既見到又大又舒服咁, 點知行極都搵唔番前日見到既店. 最後我地係一個shopping mall內又有另一間Fazer cafe, 所以我地就在這裡嘆個tea先再行街.

 

這間既食物真係唔錯架不過價錢都唔平, 咁樣就要二百多元啦!嘆完茶及蛋糕,我地又再繼續行下街, 行到都累決定早出發去機場做下退稅及買野好過.

去到機場又係要自己去print boarding pass及行李帶出來先好去counter. 今晚過海關又唔係好多人亦好快入到去..第一時間去辨退稅先...好彩都早左來原來這裡既退稅counter好似8時就收啦..好似我地坐成12時既機真係唔會想咁早就來機場啦...

我地攪左退稅又係機場duty free買野又去左買三文魚回去真係樣樣都幾趕. 因為好似買三文魚既店, 人地都就來收舖啦我地都係最後一位既客人.

安心晒買左D三文魚做手信...而這個機場我地11日就已經來左3次.