Jamie's Italian@銅鑼灣

友人生日自己BOOK位要來Jamie's餐廳朝聖. 其實好多食評都話食物只屬一般, 所以開業咁耐我地都無話要第一時間去, 不過岩岩友人生日都俾我地一個好藉口去試下..

準時7時到達, 安排坐近窗口位, 可惜張枱真係幾細架而且位與位距離好近真係唔算好舒服.

先來點杯啤酒先麥味偏輕不過都算幾好飲,

再來就係點左個炸意大利飯丸, 我自己就幾喜歡這個前菜..外脆內既意大利飯綿香配上酸酸地既蕃茄醬汁非常配合用來配酒亦一流,

再來就係2個主菜: 烤雞同紙包焗魚, 估唔到係連主菜份量都好細份, 幸好味道都唔錯. 見到雞烤得好似過火仲怕雞肉會鞋口, 點知雞肉仍然多汁

至於個紙包魚都唔錯夠嫩滑配埋底層米飯幾特別...

最後友人生日更係要點蛋糕來, 可惜無早前安排餐廳只能插上蠟燭, 講真平時D餐廳就算即場要求都可以在碟上寫句HAPPY BIRTHDAY, 但這間餐廳就不能..唔通真係太忙..簡單幾隻字都未能為食客安排.!!

講番個甜品檸檬批..我自己就覺得麻麻偏甜又唔算好香檸檬味道...

整體來講個人比較喜歡另一位英國名廚餐廳食物多過這裡.