一杯@APM官塘

一直都想來此店試下, 一拖再拖最終上星期六都有機會來到....不過此店係OR既人氣食店一定多人來幫襯, 但估唔到係6時就已經見到小人龍,為免要排隊等位我地未夠6時15分都即入場食個EARLY DINNER好過.

此店分開3個區域: 鐵板燒位, 壽司BAR位及普通SOFA位...想坐得舒服D更係SOFA位比較好, 低原來SOFA位對正風位之下都幾鬼凍.

來到必叫就係佢地既關西燒餅...我見每枱都必叫我地就叫左個以蛋為燒餅底既..餡料就係豚肉, 味道都唔錯, 特別個醬汁甜甜地真係好好味.

之後我地點左雞肉芝士串及牛肉年糕串, 個芝士汁雞肉串我覺得個芝士汁唔算好濃反而覺得有D怪, 反而個年糕牛肉真係好得D年糕好煙UN好好味.

最後我地再叫左個牛舌鐵鍋及鰻魚茶漬飯.牛舌鍋不過不失. 整晚我就最欣賞個茶漬飯, 雖然個湯汁唔算好濃既茶味, 但配埋D鰻魚少少芥辣真係好清新....下次有機會再來都會再ENCORE個茶漬飯.