PIZZA EXPRESS @ TIME SQUARE

太耐都無去PIZZA EXPRESS食飯, 見到TIME SQUARE開左就去試下. 此分店地方都幾大幾闊, 但偏偏枱與枱距離就相當近...地方又唔係細, 點解都要咁做呢? 何況當晚都唔算FULL HOUSE, 都硬要D客人GROUP埋係一個AREA真係有點唔舒服.

相反赤柱分店就算地方細, 但坐既位置都舒服唔會好迫咁.

當晚2個人叫左三文魚蝴蝶粉及一個蔬菜焗批.

個蔬菜批份量都幾大,不過味道都特突. 烤過既蔬菜好香甜加上內餡有羊奶芝士一起烤焗就食時就有陣陣芝士香味唔錯, 外皮亦做得鬆脆.

至於個蝴蝶粉味道都唔錯, 三文魚份量同樣多.

其實食物及服務都OK, 如果枱既距離可以拉遠少少俾大家食客都有D 空間就更加好.