無水蒸海鮮鍋

一直都知道鑄鐵鍋無水煮野會原汁原味, 但從來都無試過. 不過有一次係FACEBOOK見到朋友既無水蒸海鮮令到我都流晒口水, 忍不住星期六都專登去街市買左幾款海鮮試下...估唔到出奇地美味而且底部既菜更加鮮甜,連出來既水味道岩岩好..真係好好味, 我地食到一半已經決定下次要試下其他海鮮..

材料:

任何蔬菜(今次我選左粟米, 蘿蔔, 紹菜)
任何海鮮(花竹蝦, 聖子, 大蜆, 瀨尿蝦, 墨魚)

將蔬菜放底, 再放入較長時間熟既海鮮, 面層放上易熟海鮮關蓋, 中火10分鐘, 小火10分鐘, 關火焗10分鐘即可.