甜品工房@尖沙咀

同友人係尖沙咀shopping完建議一齊食埋甜品先散, 無咩目的下來到厚福街睇下有咩甜品店. 見到這間店鋪都幾吸引, 所以就入來試下.
店鋪面積都大既, 但講真甜品店一般座位都唔會舒服兼要搭枱居多, 這一點預左架啦.不過係最估唔到甜品一般都由接近$30-$5X不等仲, 來到時又無水又無服務仲要俾加一,仲要標明每人最低消費$40, 真係攞命, 預左無下次. 咁點解佢要有D甜品定價二十幾蚊, 加埋一都無$40???
我明係尖沙咀租貴; 但咁樣做生意真係有D令人不爽!!

講番食物, 原本想點個芒果甜品點知無貨; 最後就叫左個南瓜露($28); 友人就點左個唔知咩葡萄冰既甜品($54)
我個南瓜露味道都唔錯帶點少少微咸, 不過未致於太怪可以接受.

至於友人個葡萄冰味道都唔錯, 上層有D爆爆珠, 中間係D刨冰加入提子味糖水, 旁邊就加入現成芋頭味雪米滋同提子.

整體上甜品都做得唔錯但又未見到得有獨特及令人驚喜, 但價錢, 服務同收加一係令我唔會再去既最大原因

地址:尖沙咀厚福街12-12A號地下