田七菜魚湯(附食譜)

唔知大家係唔係一名湯怪, 我家基本上一星期都一定煲5-6日湯水架, 家中種左好多田七菜又係收成時刻. 其實最常我家就加肉片滾下田七菜當菜食時又有啖湯水飲下, 有日係街市見到D梳羅魚又正又抵, 更係用來煲個魚湯再加D田七菜, 咁樣又有啖湯飲下田七菜當蔬菜咁食.

田七菜又叫三七菜有止血, 舒經活血, 可以降血壓血脂, 加入魚湯就更有健脾養肝...其實都市人生活緊張放工番到家飲到啖湯水調理下身體.



材料:
梳羅魚 1斤
薑 3片
田七菜 4両

1)爆香薑片加入魚煎香沖入8碗水煮30-45分鐘再加入田七菜煮5分鐘即可.