Coffee Art@觀塘

中午有D事做順便就約個朋友食個午餐啦...明知觀塘一到午飯時段一定勁多人, 所以我地就提早食午餐. 我11點半就到左隨便搵左這間cafe試下啦...這裡係個新開既廣場入面, 這間算係最大同埋坐位都叫舒服既...可能我早到所以仲未有午餐餐牌.
店員都要叫我等多數分鐘先會有午市餐牌啦

這裡餐牌沒有飯類只有5-6款既意粉/長通粉/意大利飯既選擇, 價錢都算OK大約都係$60-70左右已經包沙律, 意粉同一杯飲品.如果叫餐牌既飲品就係半價都叫幾抵啦..

我就叫左個巴馬火腿煙三文魚長通粉配綠茶多士+柚子茶; 友人點左個忌廉汁牛肝菌意大利雲吞配芝麻醬沙律另點左杯香橙蜜糖Latte

講份量這裡都偏少, 2款前菜都係少少綠茶多士就更加無綠茶味道只係似一塊多士無咩特別.

至於我個巴馬火腿煙三文魚長通粉都唔錯起碼配料都多唔會好似出面果D得意粉多個配料就得1,2小塊...長通粉煮得剛好加埋白汁都算唔錯

再來友人既意大利雲吞我試左一粒就覺得麻麻, 無咩牛肝菌味道而且個汁偏咸食多2粒都會覺得好膩

至於友人杯咖啡係幾香滑但所謂既香橙蜜糖都係俾D香橙皮再自己加入蜜糖, 個人認為個名就好特別,味道都係似普通一杯Latte