瘋鳥@長沙灣

有一日無意之中經過, 聞到門外有陣陣既香味吸引住, 見到門口都有幾個人係度排隊店內唔算大星期六既中午已經滿座.

過左2星期專登再來不過今次提早11點左右就來啦...我地亦提早食過午餐啦..午餐選擇唔多我地叫左個炸魚薯條同埋亞參海鮮意粉, 跟餐都跟一杯飲品, 友人點泡沫咖啡就另加$5; 我就叫左個茉莉綠茶.

店鋪裝潢都幾特別幾有心機, 地方唔大坐位之間距離會相對好迫坐位唔算太舒服

店內有一隻活潑小貓就令客人都十分開心...好多人都會想引她玩..就算等待食物時間好耐都好似變得無咩所謂..

點餐後大約10多分鐘後先送上餐飲, 而我既茉莉綠茶原來都只係茶包淡而無味; 幸好友人既咖啡都尚算可以.

再過10多分鐘食物都送上見到個炸魚薯條就非常吸引; 薯條係我至愛既厚切即點即炸熱辣辣, 炸魚都非常味道而不油膩
反而個意粉就只屬一般, 意粉煮到剛好 海鮮彈牙新鮮只可惜參巴醬味道不夠偏淡對於喜歡食濃味既我就略縑唔夠味.

整體上價錢平均都係$70左右一個餐有咁既食物水準都叫唔錯...