甜舍 Dessert Room@九龍城

食飽係附近行下又睇下有咩甜品店可以試下...點知最终都係行番去食飯既同一條街..又係俾佢地店外既poster吸引, 今次又再試佢地既限定推介~龍珠, 另外再點左個綠茶心太軟..

店舖細細但座位都幾舒服, 先來就係我最期待既龍珠甜品, 今次真係無令我失望.

單單睇個樣已經好吸引, 外層係薄脆既綠色包住, 內裡有D芒果泡泡都幾香芒果味道, 中間就係雪糕再有D好似爆炸糖整個甜品都幾特別, 味道都唔錯, 相對價錢都唔平...試一次都無妨..

再來既綠茶心太軟就唔係我杯茶, 餅底偏咸, 入面既紅豆蓉亦無咩味道, 就連旁邊既綠茶雪糕都好似無咩味道咁..自己食唔到咩綠茶味道而且餅皮好厚身 愈食就覺得好似食咸點咁..自己唔係好喜歡,反而友人就好欣賞.





張貼留言

熱門文章