2016挪威之旅~ Day5 （Geiranger - Dalsnibba -雪之路 - Gaupne)

10/6/2016

今日一早起身住這間小木屋係要清潔架唔係會罰錢, 我地都好乖咁抹地還原廚房, 房間既一切先check out!!再見啦Fossen Camping, 這裡我覺得值得推介來住, 沒有多餘額外收費, 夠公道.

第一站亦係我地今日唯一景點係: Dalsnibba, 這個觀景台係海拔1500米可以睇晒成個Geiranger景色. 這裡係要收停車場費, NOK 120(只收現金). 無錯收費係有D貴, 但當架車愈行愈上時既景色真係咩都覺得值番晒. 基本上D路都係又彎幸好唔算窄, 但有時行到崖邊又無欄杆時都覺得幾驚.

 

其實上山時我地都知架車無油架啦, 最衰自己成日開下又停下車去影相, 攪到部車連燈都出埋, 行到一半路時我同團友個心都開始驚(但我地2條傻皮更係唔講啦, 大家扮無野)仲要話都係距離油站34KM姐...團友好勁話如果部車真係唔得佢行去油站攞油..果一下真係笑死我地..係心驚驚之下我地都安全到達油站. 

仲係油站俾我地見到早上見到部寫中文字既車牌既旅遊車, 老點左團友走去問下佢地係咪真係中國來, 點知真架佢地用左3個幾月從中國來到挪威真係羨慕死人.

 我地由最高點回到市區又回復春夏既景色.架車食飽到人都要食野,到人啦.

 我地搵左個好似野餐既地方泊好部車又學下D外國人咁寫意對住大自然食午餐先.

今晚我地要住係Gaupne這個城市, 團友亦特意安排行一段雪之路. 又上山行過啦...這裡既雪牆真係好似日本立山黑部咁.叫做人影我又影!!

途中經過既景點, 其實真係唔知咩野真係入去隨意影下相..實在太無聊.

遊走完雪之路我地繼續向我地今晚住既camping進發. 差不多5點幾6點我地就到達, check in 後, 我地就去對面超市買埋野回cabin準備晚餐....

點知今晚就正啦...下面cabin一列入住既都係D年青人, 到11點幾12點佢地既強烈既音樂都無停過呀...真係救命. 幸好日日我地都好似豬咁訓到死咁, 完全不受外界聲音影響.

我地住cabin出面就有幾隻羊自己走來走去食草,好得意. 我同團友仲係度研究究竟係邊個養佢地呢? 可以走到來cabin搵食?