2016挪威之旅~ Day6 （Gaupne - Nigardsbreen 冰健行 - Flam)

　11/6/2016

我地搵Gaupne地方住就係為左一早可以到達今日既活動冰河健行. 出發前我都無想過要上網book既, 點知團友早2日就EE哦哦怕無位, 又講到好恨參加這個活動babalalal...咁如果當日去到無位我真係唔知點樣同團友交待, 所以我前一日中午都要上網訂左先, 我地都係參加2小時 short blue ice hike 每人NOK 510, 有興趣可以網上預訂左先.

http://www.bfl.no/en/nigardsbreen-en/short-blue-ice-hike

由我地cabin去Jostedal國家公園30-40分鐘車程啦..我地一早慢慢執好行李食埋早餐, check out後就出發啦. 佢寫明要預早到達點名咁....我地懶勁咁一到即走入去一心一意報到啦..

HAHHA...點知我地係要再入去停車場位報到, 當然入停車場都要俾錢啦..無記錯NOK 40.

不過入到去我地等左半小時先開始有人點名, 當日由2位尼泊爾教練帶我地1團約20人左右上冰山.

點名後每人會派發一對冰爪鞋, 一支冰山杖同一對手套. 大家都要留意下自己當日服裝最好穿暖D, 同埋鞋方面都係要著波鞋比較好, 放心如果教練覺得你對鞋唔岩佢地都有提供一對俾大家.

終於等到出發!!!

我地要坐船(約10分鐘船程)到對面岸, 不過當日唔知點解得一隻船仔每次都係坐到15人左右, 所以係等船果度我地都花左45分鐘. 

以為到左就可以去登冰山啦...大錯特錯唔該再行20分鐘路啦...好彩我同友人預左來行山係香港都行左好多次山啦, 所以這20分鐘路程對我地無難度啦.不過我地見到有D團友行得幾辛苦,特別回程行完成個鐘冰山仲要再行20分鐘又上又落既石路又真係幾累架!!

好高好大既冰呀..可惜係氣候暖化這個冰川都愈縮愈小啦..所以大家有機會來挪威都趁早試下這個活動, 唔知幾多年後又無得咁行架啦.

到左冰山腳啦..教練將我地分開2隊再教我地點樣帶上裝備再一個拉繩接一個咁行. 真係唔好睇少行這個冰山, 比起普通行山更加需要多體力. 可能我唔慣用個冰爪行冰地行每一步都覺得好吃力. 大約行到上冰川既中間教練就停低俾我地影下相或者食下野. 

休息夠就開始落山, 講真實際係冰川可能都係45-60分鐘度啦..不過我已經好滿足, 覺得今日這個行程絕對體驗下.

回程啦今次做第一個上船唔洗等好耐. 今日預這個活動都係花2小時左右, 點知原來最終花左成半日係度, 所以預先計劃去既地方都無得去啦.離開時都已經3點幾啦, 我地就直接開車到今晚住既Flam Hostel.

途中經過挪威最長既隧道, 真係幾長下印象中好似行左30分鐘. 幸好這條隧道夠闊唔算開得太辛苦.

去到住宿地方都5點幾啦, 我第一時間就係去煮野食啦..好彩我地中間去左超市買左野食, 唔係等來到Flam附近既超市假日係收6點而且間野又細間真係無咩好買. 

今晚就食三文魚餐啦...這裡三文魚刺身大大塊都係六十幾蚊又真係幾抵食. 喜歡這間Hostel既廚房又夠又乾淨重點唔算多人係度煮食, 輕輕鬆鬆就整好晚餐. 

 食飽飯, 我地就走出去散下步欣賞下挪威既風景.